I – 240 tímar

240 timar

Jógakennaranám I – 240 tímar miðar að því að kenna verðandi jógakennurum grunninn í jógískum fræðum.

 

Auk þess er áhersla lögð á hæfni til að leiða inn og út í jógastöðum frá grunni, og setja saman jógatíma á öruggan og ánægjulegan hátt. Jógaheimspeki er stór þáttur í náminu sem og sjálfsvinna nemanna. Þeir læra að nota jóga sem sjálfshjálpartækni um leið og jógískir lifnaðarhættir eru ástundaðir eftir bestu getu. Í náminu felst einnig fræðsla um praktískar hliðar þess að starfa sem jógakennari.

Námið stendur yfir í 12 vikur og er haldið tvisvar á ári. Á haustin hefst það í ágúst og á vorin í mars.

Jógakennaranámið hefst með tíu daga dvöl úti í sveit við lærdóm og ástundun. Því næst er kennt þrisvar sinnum í viku, á mánudögum og fimmtudögum kl. 18.00 – 19.30 og á miðvikudagsmorgnum kl. 6.00 – 7.30. Kennslan fer fram í Reykjavík en einnig er hægt að vera með á Skype ef þarf. Þegar líður á námið er tekin fjögurra daga námslota  úti í sveit.

Nemendur kenna 20 æfingajógatíma á tímabilinu þar sem þeir setja saman jógatíma og kenna vinum og vandamönnum. Einnig þarf að skila skriflegum verkefnum og ástunda daglega heima.

Náminu lýkur með útskrift með diplóma frá skólanum og  jógakennararéttindum.

Sjá stað og stund undir „Næstu námskeið“  þegar þetta nám kemur á dagskrá.

Comments are closed